जिल्ला प्रजनन स्वास्थ्य समन्वय समिति गठन

नेपाल सरकार, स्वास्थ्य तथा जनसंख्या मन्त्रालयद्वारा जारी सुरक्षित मातृत्व तथा प्रजनन स्वास्थ्य अधिकार ऐन, २०७५ का प्रावधानहरू तथा प्रजनन, मातृ, नवजात, बाल तथा किशोर स्वास्थ्य (RMNCAH) सम्बन्धी प्रचलित नीति, रणनीति र निर्देशिकाहरूको अनुरूप जिल्लास्तरमा प्रजनन स्वास्थ्य कार्यक्रमको प्रभावकारी कार्यान्वयन, समन्वय, अनुगमन तथा सुदृढीकरणका लागि जिल्ला प्रजनन स्वास्थ्य समन्वय समिति (RHCC) गठन गरिएको छ । उक्त समितिले परिवार योजना, सुरक्षित मातृत्व, किशोरकिशोरी स्वास्थ्य, यौन तथा प्रजनन स्वास्थ्य सेवासहितका प्रजनन स्वास्थ्य सेवाहरूमा सबैको समान पहुँच तथा गुणस्तरीय सेवा सुनिश्चित गर्न सम्बन्धित सरोकारवालाहरूबीच अन्तर-क्षेत्रीय समन्वय कायम गर्ने जिम्मेवारी वहन गर्दछ । समितिको प्रमुख जिम्मेवारीहरूमा जिल्लास्तरमा प्रजनन स्वास्थ्य कार्यक्रमको योजना तर्जुमा तथा समीक्षा गर्ने, कार्यान्वयनका क्रममा देखिएका समस्या तथा कमजोरीहरूको पहिचान र समाधान गर्ने, कार्यक्रमको नियमित अनुगमन तथा मूल्याङ्कन गर्ने, समुदायको सहभागिता प्रवर्द्धन गर्ने तथा जिल्लामा प्रजनन स्वास्थ्य नतिजा सुधार र प्रजनन स्वास्थ्य अधिकारको सुनिश्चितताका लागि आवश्यक नीतिगत तथा कार्यक्रमगत निर्णयहरू गर्ने रहेका छन् ।

समिति अध्यक्ष/संयोजक सम्पर्क विवरण: श्री बाबुराम विश्वकर्मा, +९७७ ९८४७०४९१३२, dconawalpur@gmail.com

सदस्य सचिव सम्पर्क विवरण: श्री केशव प्रसाद चापागाईं, +९७७ ९८५७०४७९७६, honawalpur@gmail.com

समिति सम्बन्धित कार्यक्रम फोकल पर्सन सम्पर्क विवरण: श्री भूमिका निरौला, +९७७ ९८४१०७०७२८, niraula.bhumika7@gmail.com